Sundkóngurinn - Persónulegt met í ólympískri keppnislaug

Annars hljómar sundKÓNGUR eitthvað ekki eins vel og sundDROTTNING. Látum það samt standa. Drengurinn stakk sér sem sagt í Laugardalslaugina og fleytti hreinlega kerlingar á kraftmiklu bringusundi, heilar 10 ferðir í ólympískri keppnislaug... Þetta var frómt frá sagt frækilega syntur hálfkílómetri! Allavega var ég lafmóður... Eftir báða sprettina!

Þarna sló ég sem sagt alveg áreiðanlega persónulegt met í 2x250m bringu. Ég tók ekki tímann og veit aukinheldur ekki hvað fyrra metið mitt var, ég bara fann það á mér!  Ég hef örugglega aldrei verið eins lengi að synda þessa vegalengd... Eða jafn fljótur

Athugasemdir

[Rúnarsdóttir, 7.5.2008 kl. 15:36]

Talandi um að fleyta kerlingar, ég hef alltaf sagt að bringusund sé einmitt bara fyrir slíkar ... btw, þekkjumst við?

[Tófulöpp, 7.5.2008 kl. 15:41]

Jamm

[Rúnarsdóttir, 7.5.2008 kl. 16:15]

Grunti það.

[Tófulöpp, 7.5.2008 kl. 16:17]

Ó

[Tiger, 7.5.2008 kl. 17:39]

  Usss... ég læt bara duga að fara á björgunarbát yfir og til baka þegar ég fer í sund. Eða læt mér líða vel í pottinum. Sló einmitt met um daginn þegar ég lá í pottinum lengur en allir hinir letihaugarnir. Knúsípúsí í daginn þinn sundfleytikerling...